以前都會聽過有啲好老套嘅人會話
邊個邊個係佢出生入死嘅好兄弟！
所謂嘅「出生入死」大概都係一齊捱過幾個project
受過西老闆氣、識於微時、捱過老麥、窮過癲過。
但2019年以後「出生入死」唔再係老套誇張形容詞
It's happening for real!
我永遠記得有一次發夢嗰陣
好多粒催淚彈射咗上嚟我仲戇尻尻
然後有個男性朋友一手拉住我同另一個朋友跑。
我永遠都記得有次發夢等機場快線列車
太多人散唔哂，大家無私叫其他朋友先上車
個個都想走，但無人爭先恐後只顧自己走。
我永遠都記得有次發夢
元朗兵荒馬亂大家趕住離開時
因為一啲事我同麥要滯留現場，
當時我個心好怕連累身邊朋友，係咁叫佢哋走先啦
然後佢哋竟然無走到，陪我哋留低。
我永遠都記得有幾次同麥仔係街頭拖住手逃命
我唔敢放，真係唔敢放。
仲有我哋好幾次混亂情況，我哋要各自番去時
佢無掛住自己走，死都要等到我上車，
但我完全唔驚自己等車時會遇到不惻，我只希望佢盡快離開。
嗰種生離死別感覺就好似Rose同Jack互相禮讓嗰塊浮木。
仲有好多會不停WhatsApp問你番到未，
幫你做哨兵、互相幫助嘅朋友。
世界末日逃亡感覺，好似每星期都上演。
有時諗起呢幾個月失去一啲親朋戚友都會有啲黯然，
不過諗番其實我都得到咗一班真．出生入死朋友
人生有幾可係可以同朋友共渡生死，力證情比金堅吖。
「你最終的朋友 就是此刻 那些最瘋最愛和最痛」
**其實我IG會多啲野睇，Follow番：@hkgirlfriend
Search